Vamadengo va Radio Wimbe vandipata mapundisho mwa kutumila dikomputadoli.
Vatangazaji pamo na wamadengo vanji injini kupemba vandyuka napata mapundisho pakulota vamanye mwa kutumilila dikomputadoli na vyombo viji viinjipe vitumikana pakati shimadengo sha utangazaji na uandishi.
Shimadengo kenga ashoo shindilangalegwa naumu pundi mitambo wa iRadio Wimbe na kupwashalegwa na lishilika lya Wycliffe.
Na mómo andyuka, amanyia kenga ishabaa ya limbujuma kenga alyo ni kulota kuvapwashela vakolashimadengo va lyutu alyo, vapate shimanyi manyi shoe na mwashi ivaikedile kutumilila vyombo vya tekinologia na dikomputadoli.
Vaumini shilinga sha vanu 20 vandimpwashalela Yesu Kristo na kupata ubatisho,munjini wa Pemba.
Uti vinditandeka mumaduva apepi muliganisha lya Monte Templo Moçambique. Ivele pakati limbujuma lya Maombi pakulota kuvalangalela vakwoda va ambi va liganisha alyo, lilangalegwa na mu Nchungaji Virgílio António.
Nchungaji Virgilho, andivamanyia vakwoda, vashilinda ubatisho, kenga indivavaikila vanavo kuva tayali mu mitima vyao na kunama manamilo la eshima mushu mwa Nnungu baada ya ubatisho wavalota kupata.
Kulinganana na malove la Nchungaji anditangola kenga, ''shitendo kenga asho, ibidi shiide na mabadiliko kwa aija apata ubatisho, mwa ni kupela kwa munu wa kala, napanelo haivaikidile kavili munu kenga aju kunama maisha la udagwa kavili, kwali mulidambi, mwa shinamilo sha munu aju patenda davo andauka nava wakukamadyana namene, kenga aija Ng'avanga aujila matapishi lake'' Anditangola Nnchungaji Virgílio.
